Мал кышлату мизгеле җитүгә санаулы гына көннәр кала. Бу, димәк, терлекчелек тармагы эшчәннәре өчен елның иң киеренке чоры башлана, дигәнне аңлата.
Сыерларның абзар - кураларга кайтуы белән барсына да – терлекчеләргә дә, савучыларга да мәшәкатьләр өстәләчәк. Әмма үз эшенең осталарын бу бер дә куркытмый. Менә машина белән сыер саву остасы Флизә Хәсәнова да авырлыкларга зарланмый, киресенчә, яраткан сыерлары турында хәстәрлек күрү куаныч кына китерә, ди.
- Эшемне, мул сөт бирүче һәүкәшләремне яратам, - ди, елмаеп Флизә Зөфәр кызы, ул “Раевка” авыл хуҗалыгы предприятиесенең Яңавыл сөтчелек фермасында унсигез ел савучы булып хезмәт сала.
Машина белән сыер саву остасы Флизә Хәсәнова.