Балаларның һәр көне файдалы үтә

Әлшәй районы укучылары “Һәр баланың уңышы" проектында катнаша.

Республикада “Мәгариф” гомумдәүләт проектын гамәлгә ашыру нәтиҗәсендә, Әлшәй районының Пионерлар йорты һәм мәктәпләр базасында 920 өстәмә бюджет урыны булдырылган.

“Һәр баланың уңышы” федераль проекты кысаларында балаларның төрле юнәлештәге яңа берләшмәләргә, түгәрәкләргә бару мөмкинлеге барлыкка килде. Алар арасында — спорт, экология, тикшеренү һәм башка курслар.
Мәсәлән, “Су туризмы” берләшмәсендә укучылар катамараннардан файдалану җайланмасын һәм техникасын өйрәнә, Башкортстан елгалары буйлап су походлары маршрутлары белән таныша.

Геология түгәрәкләрендә балалар санлы лаборатория эшен үзләштерә, ул реаль вакыт режимында үсемлекләрнең, әйләнә-тирә мохитнең фотосинтезын тикшерергә, шулай ук табигый җирлекнең пычрану дәрәҗәсен билгеләргә мөмкинлек бирә. Экологик берләшмәләр балаларны табигатькә сакчыл карарга өйрәтә: монда радиоактив, электромагнит, ультрашәмәхә нурланыш, тавыш, яктылык, су һәм туфрак пычрану дәрәҗәсен үлчиләр.

“Мультимикс” мультипликация студиясендә катнашучылар өчүлчәмле модель булдыру техникасын һәм аларны яңа график станциядә 3-D принтерда бастыруны үзләштерә.

Фото: ufa.bezformata.com.Автор: Зөлфия Фәтхетдинова

Чыганак: https://kiziltan.ru/articles/nacproekty/Balalarni--r-k-ne-faydali-t-715286/