Әлшәй хәбәрләре
-10 °С
Болытлы
75 лет Победы
Барлык яңалыклар
Акция
21 Май 2019, 02:00

Тимур утырткан тәүге агачлар

20 апрельдән 20 майга кадәр республикада шәһәрләр һәм районнар, хезмәт коллективлары, җәмәгать оешмалары һәм ирекмәннәр катнашлыгында урманнарны яңарту айлыгы узды.

20 апрельдән 20 майга кадәр республикада шәһәрләр һәм районнар, хезмәт коллективлары, җәмәгать оешмалары һәм ирекмәннәр катнашлыгында урманнарны яңарту айлыгы узды. “Яшел Башкортстан”, “Тормыш агачы” һәм “Хәтер урманы” кебек зур акцияләргә әлшәйлеләр дә актив кушылды. Район территориясендә меңнәрчә чыршы, карагай, юкә, кедр, каен, миләш, тал һәм алмагачның үсентеләре утыртылды. Тоташ урман сызатлары, скверлар һәм аллеяләр барлыкка килде.
Яшел хәрәкәттә катнашучылар арасында Балгаҗы авылыннан Хаҗиевлар да бар иде. Бу бердәм, эшсөяр һәм иҗади гаиләне районда күпләр белә. Беренчедән, Гөлфия Тимерҗан кызы һәм Дамир Тимерхан улы - сөт терлекчелеге, умартачылык белән уңышлы шөгыльләнүче фермерлар. Икенчедән, бу гаилә пары дүрт (!) малайны тәрбиягә алган. Тормышта иң мөһиме – мәхәббәт, хәстәрлек һәм изгелек дип исәпләгән Хаҗиевлар үз үрнәкләрендә балаларында хезмәткә, туган якка, аның йолаларына һәм гореф-гадәтләренә, мәдәнияткә һәм туган телгә сөю тәрбияли. Гаиләдәге бөтен малайларның да рус булуына карамастан, алар башкорт телендә сөйләшә, кайберләре хәтта шигырьләр дә яза. Өченчедән, бу гаилә әгъзалары төрле чараларда һәрвакыт зур теләк белән ҡатнаша.
Түбән Әүрез авылы янында оештырылган “Яшел Башкортстан” акциясе барышында, анда 200дән артык кеше эшләде, без аларны очраттык.
- Без – яңару яклы. Җәмәгать чараларыннан читтә калмыйбыз, ә инде бу табигатькә бәйле булса, без шунда ук эшкә тотынырга әзер. Өлкән улларым бүген мәктәптә үткәрелгән өмәдә, ә без Тимур белән, район гәзитеннән күрше Түбән Әүрез авылы янында акция булачагы турында укып, шунда килдек, - ди елмаеп, гаилә башлыгы Дамир Тимерхан улы.
Бу көнне әти белән ул дистәләрчә агач үсентесе утыртты. Ә Тимур гомерендә тәүге тапкыр бу изге эшкә кушылды.
Фәнүзә СУФИЯНОВА.
Автор фотосы.
Дамир Хаҗиев улы Тимур белән.
Читайте нас в