Экологик белем бирү атнасы

“Яшел Башкортстан” экологик проекты кысаларында 5 ноябрьдән 8 ноябрьгә кадәр республикада “Экологик белем бирү атнасы” узачак.

Укучыларның экологик белемен һәм мәдәнилеген күтәрү максатында барлык мәгариф учреждениеләрендә экодәресләр үткәреләчәк, алар каты көнкүреш калдыклары белән эш итү һәм чүп-чарны аерым җыю өлкәсендәге үзгәрешләргә багышлана.

Хәтерегезгә төшерәбез, быел яз экологик грамоталылык атнасында 60 мең укучы һәм студент катнашты, 1700дән артык экодәрес үткәрелде.

Ирина ВЛАДИМИРОВА.

Фото: Яндекс