“Яшел Башкортстан” республика акциясе

Ул 25 апрельдән 1 майга кадәр үтә.

Республика Хөкүмәтенең матбугат хезмәте хәбәр итүенчә, акция барышында шәһәр һәм районнарда 50 меңнән артык агач һәм куаклар утыртылачак.

Бу шимбәдә, 25 апрельдә, акция кысаларында район үзәгендә Юбилей урамындагы паркта (мал симертү совхозы бистәсе), Космонавтлар урамындагы стадион буйлап һәм Раевкага кергән яктан Магистраль урамында 120 төп ылыслы агач утырту күзаллана.

Акциягә кушылырга теләүчеләр агач һәм куакларны үз участокларында да утырта ала, аларны фотога төшереп, #ЗеленаяБашкирияДома хэштегы белән социаль челтәрләргә куярга мөмкин.