Без чиста ярлар өчен!

Районда экологик акция узды

Ибрай һәм Кармыш авыл биләмәләре территориясендәге Дим елгасы ярлары чистартылды, анда “ял итүчеләр”дән соң янә пластик стаканнар, ватык шешәләр, пакетлар кебек чүп-чар күп җыелган.

Ирекмәннәр, активист-яшь гвардиячеләр перчаткалар киеп аларны капчыкларга тутырганнан соң, территория чистарып калды.

Бу акциянең максаты елга ярларын чүп-чардан тазарту гына түгел, гражданнарыбызда экологик культура тәрбияләү, җәмәгатьчелекнең игътибарын экология мәсьәләләренә, табигатькә сакчыл карашта булуга җәлеп итү дә иде.

Район халкын һәм кунакларны тирә-як мохиткә игътибарлырак булырга һәм ял итү урыннарында чүп-чар калдырмаска чакырабыз!

Динар ӘХМӘДРИСЛАМОВ,

спорт һәм яшьләр сәясәте комитете рәисе.