Әлшәй аграрчылары шикәр чөгендере урагына төште

Иң зур мәйданнар, элеккечә, “Красный Клин” авыл хуҗалыгы предприятиесендә. Быел монда 4000 гектардан артык шикәр чөгендере үстерелгән. Шулай ук “Агро МТС” , “Заря”да һәм күп кенә фермер хуҗалыкларында шушы югары табышлы культураны игү белән шөгыльләнәләр. Крестьян-фермер хуҗалыклары арасында Нигъмәтулла авылыннан Дибаевлар алда бара, алар ел саен төбәктә иң югары уңыш алуга өлгәшә.

-Быелгы ел бу культура өчен уңай килде, аның уңышы мул. Әле “Красный Клин” басуларында сигез комбайн чөгендер урып-җыя. Шулай ук фермер Дибаевлар, Фазлыевлар һәм башка хуҗалыклар да татлы тамырны чыгара башлады, - ди авыл хуҗалыгы баш агрономы Татьяна Лисицына.

Фәнүзә СУФИЯНОВА.