Басу эшләре тулы куәтенә бара

Быелгы урак та тәмамланып килә. Уҗым культуралары җыеп алынган, язгы бөртеклеләрне урып-җыю да төгәлләнә.

Бүгенге көнгә иген культуралары 40972 гектарда (93,8 процент) җыеп алынган, 97058 тонна ашлык суктырылган, уңышлылык гектарыннан 23,7 центнер тәшкил итте. Тәүгеләрдән булып уракны “Заря”, “АгроМТС”, “Агрокоопинвест” җәмгыятьләре, “Дибаев И. М.”, “Гаитов З. М.”, “Гомәров Р. А.” крестьян-фермер хуҗалыклары тәмамлады.

Шулай ук район басуларында уҗым культураларын чәчү бара, туңга сөрү эшләре дәвам итә. “Заря” җәмгыяте аграрчылары көнбагыш урып-җыюга төште.