Көнбагыш урып-җыю башланды

Җылы көннәр торганда район игенчеләре үстерелгән уңышны тизрәк җыеп алырга тырыша.

Бөртекле культураларны урып-җыю тәмамланып килә. Барлыгы 43447 гектар (99,5 процент) җыеп алынган, суктырылган иген 107849 тонна тәшкил итә, уңышлылык гектарыннан 24,8 центнерга җитте.

“Заря”, “Урал сәүдә компаниясе”, “Раевка” җәмгыятьләре игенчеләре көнбагыш урагына төште.

Уҗым культураларын чәчү барлык хуҗалыкларда да тәмамланды диярлек. 16033 гектар мәйдан чәчелгән, бу планга карата 102 процент тәшкил итә. Авыл хуҗалыгы предприятиеләрендә туңга сөрү эшләре дә дәвам итә.