VI Бөтендөнья фольклориадасының иң яхшы символына конкурс игълан ителде

Башкортстанда VI Бөтендөнья фольклориадасының иң яхшы символына конкурс старт алды, ул CIOFF®2020 символикасы белән беррәттән файдаланылачак.

Бу турыда республика Башлыгы социаль челтәрләрдәге сәхифәсендә хәбәр итте.

“Футбол буенча дөнья чемпионатында волк-Забиваканы хәтерлисезме? Безнең үзебезнең чагу һәм үзенчәлекле героебыз булачак, аны дөньяның төрле төбәкләреннән килгән күп санлы кунаклар бик озак хәтерләрендә тотачак һәм сувенир сыйфатында алып кайтып китәчәк. Бурыч бик җаваплы, чөнки бу символ безнең Башкортстанбызны чагылдырачак”, - дип язды Радий Хәбиров.

Конкурска эшләр 31 мартка кадәр кабул ителә. Җиңүчене республика җитәкчесе Уфада 18 июльдә VI Бөтендөнья фольклориадасын ачу тантанасына чакырырга вәгъдә итте.

Конкурс эшләре аннотация белән [email protected] электрон адресына кабул ителә.