Изге Корбан бәйрәме белән!

Хөрмәтле әлшәйлеләр! Сезне мөселман дөньясының иң изге бәйрәмнәренең берсе – Корбан бәйрәме белән ихлас котлыйм!

Изге гамәлләр кылу, корбан чалу һәм мохтаҗларга ярдәм кулы сузу диндарларның күңелен чистарта һәм бу бәйрәмгә үзенчәлекле мәгънә бирә. Ул шәфкатьлелек, изгелек һәм кешеләргә сөю кебек югары әхлак нигезләрен гәүдәләндерә.

Изге Корбан бәйрәме сезгә барлык башлангычларыгызда уңышлар китерсен, һәркемнең йөрәген шатлык һәм тынычлык белән тулыландырсын. Барыгызга да ныклы сәламәтлек, аяз күк йөзе һәм йортларыгызга иминлек телим!