“Башкорт теле – заманча тел”

Февраль ае шундый исем астында үтә, аның хештегы - #интерактив. Белүегезчә, Бөтендөнья башкортлары корылтае тарафыннан игълан ителгән Башкорт теле елында һәр ай билгеле бер темага багышлана.

Бу айның төп максаты - тел белүчеләр белән социаль челтәрләр, скайп аша аралашу, онлайн-дәресләр, баттллар, блогерларны өйрәтү. Шулай ук интернет челтәрендә башкорт телендә конкурслар, флешмоблар, көнүзәк темаларга уеннар оештыру.

Тәкъдим ителгән чаралар арасында башкорт телендә видеоканаллар, интернет-контент булдыру, мәктәп, район дәрәҗәсендә балалар өчен иң яхшы башкортча видеоблог конкурслары да бар.

Башка айларның тематик юнәлеше белән киләсе язмаларда да таныштырып, юнәлтмәләр бирә барырбыз, әйткәндәй, кадерле дуслар, хәзер Әлшәй районы башкортлары корылтаеның да Бәйләнештә (ВКонтакте) социаль челтәрендә үз бите бар. Районыбызда Башкорт теле елына багышлап үткәрелгән барлык чаралар турында мәкаләләр, фото, видео материаллар шушы төркемдә урын алачак. Әлшәй башкортлары корылтае төркеменә https://vk.com/public191315707 сылтамасы белән кереп, сез дә анда кушылыгыз. Мәкаләләрегезне, яңалыкларыгызны, киңәш-тәкъдимнәрегезне төркемгә языгыз, фотолар, видеолар җибәрегез.