Башкорт теленнән халыкара онлайн диктант

25 апрельдә “Башкорт телендә халыкара диктант - 2020” акциясе үтә. Ул беренче тапкыр онлайн-форматта оештырыла.

Теләге булган һәркем өйдә диктантны үзаллы язу мөмкинлегенә ия. Акциядә катнашу өчен https://bashkdictant.ru сайтында теркәлү үтәргә кирәк.

Бу көнне туры трансляция БСТ телеканалында, “ВКонтакте” һәм “Инстаграмм” социаль челтәрләрендә, YouTub каналында барачак:

11 сәгатьтән 11 сәгать 25 минутка кадәр – башкорт телен башлап өйрәнүчеләр өчен;

11 сәгать 30 минуттан 11 сәгать 55 минуткача - башкорт телендә иркен аралашучылар өчен;

12 сәгатьтән 12 сәгать 20 минутка кадәр – башкорт телендә төньяк-көнбатыш диалектында язучылар өчен.

Диктантны язып беткәннән соң фотога төшереп (сканер аша үткәреп) акциянең сайтында “Шәхси кабинет” аша җибәрергә кирәк. Яки bashkdiktant2020@mail.ru адресы буенча электрон почтага,WhatsAppка +7 (927) 950- 02 -66 номерына җибәрергә мөмкин.

Тулы мәгълүмат белән акциянең сайтында танышырга була.