Рәшит Шәкүр – Уфаның шәрефле шәхесе

Якташыбыз, билгеле башкорт шагыйре, язучы, публицист, галим-энциклопедист, педагог һәм җәмәгать эшлеклесе, республиканың дәүләт гимны сүзләре автордашы Рәшит Шәкүргә югары исем бирүне Уфа шәһәре хакимияте башлыгы Ирек Ялалов тәкъдим итте.

Рәшит Закир улы башкорт әдәбияты тарихын өйрәнүгә зур өлеш кертте. Күпьеллык фидакарь хезмәте өчен Салават Юлаев орденына һәм башка бик күп бүләкләргә лаек булды. Аларга Уфа шәһәре Советы депутатлары карары буенча тагын да бер награда – шәһәрнең шәрефле шәхесе дигән мактаулы исем өстәлде.