Афәрин, егетләр!

“Дәрман” халык ансамбле ирләр вокаль коллективларының тәүге республика конкурсында уңышлы чыгыш ясады. Чара Башкортстан Республикасының 100 еллык юбилеена багышланды. Аның максаты – ир-егетләрнең хорда һәм ансамбльдә җыр башкару традицияләрен саклау һәм популярлаштыру.

“Ир-егетләр нәрсә турында җырлый?” дип аталган иҗади бәйгедә республиканың 32 коллективы катнашты. Раевка авылының социаль-мәдәни үзәгеннән “Дәрман” халык ансамбле (җитәкчесе Алик Габделманов) “Ирләр вокаль ансамбльләре” номинациясендә I дәрәҗә дипломга лаек булды.

Фото: Яндекс