Кайсы кан төркеменә яман шеш янамый?

Ә кемнәргә яный?

Швециянең Каролина университеты галимнәре, 25 ел дәвер эчендәге меңнәрчә медицина карталарын анализлап, икенче төркемдәге канга ия булучыларның яман шеш авыруына дучар булу куркынычы бик аз дигән фикергә килгән. Ләкин алар барыбер дә бу төркемдәгеләрне сәламәт тормыш алып барырга өнди.

Ә менә беренче төркемгә ия булучыларга үз сәламәтлекләренә карата бик игътибарлы булырга, начар гадәтләрдән арынырга һәм төрле дарулар куллану белән мавыгуны ташларга киңәш итә галимнәр. Чөнки алар шуны ачыклаган: нәкъ менә беренче төркемдәгеләр арасында яман шеш авыруына юлыгучылар күбрәк икән.