Әлшәй хәбәрләре
+8 °С
Болытлы
Тат
Баш
Барлык яңалыклар
Болар кызыклы
5 декабрь 2019, 21:00
Чит кешегә бирергә ярамый торган 9 СОРАУ
Түбәндәге сорауларны биреп, кешенең хәтерен калдыра күрмәгез!
Түбәндәге сорауларны биреп, кешенең хәтерен калдыра күрмәгез!
Сезгә ничә яшь?
Хатын-кыздан ничә яшьтә булуын сорау – ахмаклык билгесе, чынлыкта бу сорауны ирләргә дә бирергә ярамый икән. Кеше турында белү теләгең зур булса, социаль челтәрләрдән эзлә. Күп вакыт анда үзләренең яшьләрен күрсәтәләр. «Без сезнең белән яшьтәшләр кебек, ахры» кебек җөмләләр әйтү дә дөрес түгел.
Яшегезне сорыйлар икән, 98 диегез. Шаяртып, сүзне читкә җибәрергә була.
Аллаһка ышанасызмы?
Дин турында әңгәмәдәшегез үзе сүз кузгатса гына башлый аласыз. Әмма бу мондый сорау бирергә ярый дигән сүз түгел.
Кайсы җирең авырта?
Сырхауханәдә танышыгызны очраткач, бу сорауны бирә күрмәгез. Янәшәгездәге кешенең хәле китсә генә бирергә була ул сорауны. Анда да үзегезне ничек хис итәсез дип кенә сорагыз.
Бу синең үз чәчеңме? Иренеңне кабарттыңмы әллә? Куйган керфекләрме?
Артык кызыксыну, төпченү дә килешми. Якын иптәш кызыгызга исә бирә аласыз, әмма чит кешеләр барында түгел.
Кайчан кияүгә чыгасың?
Ир-атларга да кайчан өйләнәсең дигән сорау бирү әдәпсезлек санала.
Бала көтәсеңме?
Әгәр дә күзгә ташланып торса, сине котларга була икән дияргә була. Икеләнәсез икән, дәшмәвегез хәерле. Хатын-кызның эче торт ашагач та кабарып чыгарга мөмкин.
Сайлауларда кем өчен тавыш бирдең?
Бу сораудан җитди конфликт чыгарга мөмкин.
Тазарып (ябыгып) киткәнсең, ахры?
Мондый сорауны бик якын кеше генә бирә ала.
Күпме акча эшлисең?
Чит кешенең акча янчыгына керергә кирәкми. Сезнең үзегезгә шундый сорау бирсәләр, миңа җитә дип, төгәл сумма әйтүдән качыгыз.
http://shahrikazan.ru/news/kish-tabyish/chit-kesheg-birerg-yaramyy-torgan-9-sorau
Фото: Яндекс
Читайте нас: