Синоптиклар һава торышын фаразлады.
Бөтен ил халкы, якын арада коронавирус белән хәл үзгәрәчәкме, дип көтә. Тиздән Май бәйрәмнәре, бигрәк тә бу традицион ялларны үз-үзеңне изоляцияләү шартларында үткәрәсе килми. Әмма әлегә бу мәсьәлә ачык кала. Аның каравы, майның беренче яртысына синоптиклар һава торышы белән таныштыра.
Безне бик ямьле язгы һава торышы көтә. 1 майда Уфада кояшлы һәм +16 градус җылы булачак. Майның икенче көне бераз болытлы һәм яңгыр явуы көтелә. Якшәмбе, 3 майда, янә аяз, температура көндез +15 градуска кадәр күтәреләчәк.
7 майга кадәр якынча шундый ук һава торышы көтелә — кояшлы көннәр вакытлыча яңгырлар белән алышыначак. Бәхеткә, синоптиклар салкыннар фаразламый. 8 майдан җылыта башлаячак. Һава температурасы +18 градуска кадәр җылыначак.