Урман сылукайларын саклыйк

- Шушы көннәрдә бөтен республикада “Чыршы-2018” оператив-искәртү операциясе уза. Ылыслы яшь агачларны законсыз кисүдән саклау буенча чара 31 декабрьгә кадәр дәвам итә. Урман фондына китерелгән зыян өчен административ, хәтта җинаять җаваплылыгы каралган, - ди республиканың Урман хуҗалыгы министрлыгы дәүләт инспекторы М. Ф. Әхмәтов.

- Гражданнарга ылыслы агачларны законсыз кискән өчен - өч-дүрт мең, вазыйфалы кешеләргә – 20 меңнән 40 меңгә кадәр, юридик шәхесләргә 200- 300 мең штраф салына. Моннан тыш браконьерлар китерелгән зыянны капларга бурычлы. Зыян биш мең сумнан артык тәшкил итсә, хокук бозучыны хәтта алты елга кадәр иркеннән мәхрүм итү җәзасы каралган. Шуңа да чыршы алып кайту өчен урманга барыр алдыннан эземтәләрен уйлагыз, - ди урман инспекторы.

Ылыслы яшь агачларны законсыз хәзерләү яки сату очраклары турында 8 (347) 218-13-87, 218-13-88, 218-14-14, 8 (34754) 3-01-51 телефоннары аша хәбәр итәргә мөмкин.