Раевка ит комбинаты яңартыла һәм куәте арттырыла

Предприятиене реконструкцияләү яңа корпус төзү, заманча җиһазлар сатып алу, җитештерелгән продукция линиясен киңәйтүне күз уңында тота.

“Башкортстан ит компаниясе” генераль директорының беренче урынбасары Ринат Зәйнуллин әйтүенчә, ит комбинатын яңартып төзүгә инвестицияләр күләме 384 млн сум тәшкил итә. Алда билгеләнгән планны тормышка ашыргач “Әлшәй-ит” җәмгыяте мал чалу һәм эшкәртү сыйфатын арттырып, Европа стандартларына чыгачак. Предприятиедә яңа эш урыннары да барлыкка киләчәк. Реконструкцияләү планын гамәлгә ашыру 2020 елның декабренә планлаштырылган.