“Изгелек автобусы” безнең районга килде

Республикада волонтерлар штабларына ярдәм акциясе старт алды

Республика шәһәрләре һәм авыллары буйлап юлга чыккан биш “Изгелек автобусы”ның берсе безнең районга да килеп җитте. Яшьләр сәясәте һәм спорты министрлыгы делегациясе - БР Дәүләт җыелышы – Корылтай депутаты Светлана Тураҗанова, Республика волонтерлар хәрәкәте үзәге һәм яшьләр инициативасын яклау секторы җитәкчесе Азат Килсенбаев, ДОСААФның оештыру, хәрби-патриотик һәм спорт эшләре бүлеге җитәкчесе Гөлнара Мануйлина район волонтерлар штабына ирекмәннәр өчен кирәкле перчаткалар, битлекләр, саклану чаралары һәм сим-карталар тапшырды. Шундый ук җыелмалар һәрбер муниципалитетка бирелде, – дип хәбәр итә волонтерлар хәрәкәте штабы җитәкчесе Динар Әхмәдрисламов.

Муниципаль волонтерлар штаблары саклану чаралары белән Республика Башлыгы Радий Хәбировның кушуы буенч тәэмин ителә. Бу эштә “Бердәм Русия” партиясе бүлекчәләре дә зур роль уйный.