Мәктәпкә әзерләнергә ярдәм ит!

Хәтерегезгә төшерәбез, республикада август ахырына кадәр “Мәктәпкә әзерләнергә ярдәм ит!” хәйрия акциясе дәвам итә.

Акциянең максаты – авыр тормыш хәлендә калган гаиләләргә һәм балаларга яңа уку елына әзерләнүдә ярдәм итү.

Уку кирәк-яракларын теләге булганнар Раевка авылы, Юбилей урамы, 23 а адресы буенча “Гаилә” районара үзәге бүлекчәсенә тапшыра ала. Канцелярия товарлары, язу кирәк-яраклары, дәфтәрләр, рәсем төшерү, балалар иҗады җыелмалары - яңа килеш, рюкзаклар, мәктәп формасы, дәреслекләр, әдәби китаплар – яңа яки яхшы хәлдә кабул ителә.

-Акция ахырында иң актив катнашучылар турында мәгълүмат республиканың Гаилә, хезмәт һәм халыкны социаль яклау министрлыгы сайтында, семьярб.рф порталында, шулай ук район гаилә хезмәтенең сайтында урнаштырылачак, - дип белдерде шушы хезмәт җитәкчесе Марина Кравченко һәм әлшәйлеләрне бу изге эштә актив катнашырга чакырды.