Әлшәй хәбәрләре
-3 °С
Болытлы
Барлык яңалыклар
Елмаеп алыйк!
14 август 2019, 02:00

Балалар сөйли

Өч яшьлек оныгым Эльдар балалар бакчасында.

Өч яшьлек оныгым Эльдар балалар бакчасында. Тәрбиячесе барысына да фломастерлар таратып бирә һәм үзләре теләгән рәсемне төшерергә куша. Эльдар альбом битенә күп итеп нокталар куеп чыга. Тәрбиячесе:


-Эльдар, син нәрсә төшердең?


-Эзләр.


-Ә кемнең эзләрен?


Оныгым шундый итеп тәрбиячесенә карый да:


-Үзегез күреп торасыз бит, фломастер эзләрен, дип җавап бирә.


***

Эльдар безгә кунакка килгәч әтисе белән әнисенең туйда төшкән фотоларын күрде дә:


-Кемнәрнең туе ул, дип сорады.


-Әтиең белән әниеңнеке.


-Ә мин кайда?


-Син ул чакта юк идең әле.


-Ничек юк идем. Кайда булганмын соң?


-Син беркайда да түгел, юк идең әле.


-Ә, аңладым, һәрвакыттагыча, икенче нәнәемә калдырып, үзләре генә туйга киткәннәр.


Люция Филипова.

Фото: Pixabay.


Читайте нас: