Әй, кызык!

Бәхетле гаилә тормышы ул – узып баручы кыздан күзеңне алмый карап торганнан соң: “Туны матур, хатынга да шундыйны алырга кирәк” , - дип уйлау.

**

Япониядә каракларны тота торган робот уйлап тапканнар. Шуның ярдәмендә Япониядә 5 минут эчендә 100 каракны тотканнар. Америкада 5 минут эчендә 200 угрыны кулга алганнар. Ә Русиядә 5 минут эчендә әлеге роботны кемдер урлап алып киткән...

**

Бер егет сөйгән кызына “Бу абонент сезнең үзенә кияүгә чыгуыгызны сорый” дип смс җибәргән. Бераздан аңа: “Хөрмәтле абонент! Сезнең исәптә әлеге операцияне башкару өчен җитәрлек акча юк”, дигән җавап килгән.

**

-Сөеклем, син нинди хатын-кызларны яратасың: акыллыларынмы әллә чибәрләренме?

-Берсен дә яратмыйм. Син бит беләсең, мин бары тик сине генә яратам.

**

Кибеттә чиратта торганда бер ир акча янчыгын ачып карый да, һушыннан язып егыла. Аңына китергәч, аннан сорыйлар:

-Нәрсә булды?

-Хезмәт хакының хатынга бирәсе өлешен үземә калдырганмын.

-Шуннан?

-Аңа үземә калдырасы өлешен биргәнмен бит!

**

Олы яшьтәге бер ир офиска эш эзләп килә.

-Кызганычка каршы, сез безгә туры килмисез. Безгә яшь, иҗади яктан үсәргә сәләтле кеше кирәк.

Ир:

-Шулай да сез минем телефон номерын язып алып калыгыз. Барысы да иҗади яктап үсеп, эшләргә кеше калмагач, шалтыратырсыз.

**

Метрода берәү кычкырып җибәрә:

-Ярдәм итегез! Улымның тамагына 1 сумлык тимер акча тыгылды!

Халык төркеменнән этә-төртә бер юан гына хатын килеп чыга һәм малайны җилкәсеннән тотып нык кына селки. Малайның авызыннан тимер акча чыгып оча.

Баланың әтисе ихтирам белән:

-Бик зур рәхмәт! Сез “Ашыгыч ярдәм” хезмәтендә эшлисездер, мөгаен?

-Юк, мин салым җыючы!