Әлшәй хәбәрләре
-22 °С
Болытлы
75 лет Победы
Барлык яңалыклар
Беркем дә онытылмый
21 декабрь 2017, 02:00

Тылсымлы мизгел

Район үзәгендә яшел чыршылар сатыла башлады.

Тылсымлы мизгел
Район үзәгендә яшел чыршылар сатыла башлады
Әйе, дуслар, тылсымлы Яңа ел бәйрәме якынлаша һәм бу тантананың төп атрибуты турында хәстәрлек күрер вакыт җитте. Хәер, күпләр урман сылуын алдан ук сатып алырга тырыша, ә кемдер исә, бу күңелле мәшәкатьләрне бәйрәм көненә калдыруны хуп күрә. Ничек кенә булмасын, бездә бүген үк үзеңә ошаган чыршыны сатып алып алырга һәм ашыкмый гына бизәргә мөмкин. Урман купшыкайлары махсус урыннарда – автовокзал, үзәк базар, “Алина”, “Лоза” сәүдә үзәкләре (Кусков урамында), “Йондоҙ” магазины янында сатыла. Ә сәүдә уңышлы барсын өчен, кайберәүләр, мәсәлән, Тимур Җиһангиров кебек егетләр, бәйрәм кәефе тудырырга тырыша. Күпләр өстенлек биргән карагайны сатып алганнарга Тимур Кыш бабай башлыгы һәм Санта-Клаус итеген бүләк итә. Теләге булганнар шунда ук ак чыршы миннекләре сатып алып, “Язмыш шаяруы, яки Җиңел пар белән!” фильмы геройлары кебек дуслары белән Яңа ел алдыннан мунчага бара ала. Ничек кенә булмасын, иң мөһиме – хуш исле ылыс, мандарин, “Оливье” салаты һәм, әлбәттә, матур бүләкләре белән тылсымлы Яңа ел якынлаша!
Читайте нас в