Әлшәй хәбәрләре
+14 °С
Болытлы
Барлык яңалыклар
Беркем дә онытылмый
19 декабрь 2019, 19:00

Солдат батырлыгы йөрәкләребездә яши

Пионерлар йортында “Өчпочмаклы фронт хатлары” дип аталган батырлык дәресе узды, анда Бөек Ватан сугышы ветераны Рәшит Галинур улы Гөбәйдуллин чакырылган иде.

Пионерлар йортында “Өчпочмаклы фронт хатлары” дип аталган батырлык дәресе узды, анда Бөек Ватан сугышы ветераны Рәшит Галинур улы Гөбәйдуллин чакырылган иде.
Чарада мәктәп укучылары катнашты, алар өчпочмаклы солдат хатларының тарихы, аларда нәрсәләр язылуы турында белде. Укучылар үзләре дә хатларны өчпочмаклап ясап карады. Сугыш елларында хәтта бәләкәй балалар да уйнаганда гәзит кисәгеннән ясалган “хат”ларын фронтка әтиләренә “җибәргән”.
Ә безнең укучылар “Җиңү өчен рәхмәт!”, “Хәтерлибез. Горурланабыз!” дигән язулар язылган, салют, чәчкәләр, Георгий тасмасы төшерелгән өчпочмаклы хатларны ветеранга яки тыл ветеранына бүләк итү максатында эшләде. Малайлар һәм кызлар үз куллары белән ясаган хатларны сугыш ветераны Рәшит Галинур улы Гөбәйдуллинга тапшырды.
Балалар һәм өлкәннәр “Эзләнү” студиясе укучылары үткәргән “Солдат батырлыгы мәңге йөрәкләребездә яши” дип аталган музей экскурсиясендә катнашты, Бөек Ватан сугышы елларында совет солдатларының каһарманлыгын данлаган тетрәндергеч вакыйгалар турында тыңлады.
“Музыкаль тамчы” берләшмәсенә йөрүче укучылар башкаруында ветераннар хөрмәтенә җырлар яңгырады.
Балалар күптән түгел бакыйлыкка күчкән сугыш ветераны Шәмсулла Сәйфулла улы Төхвәтов турында видеоязма, видеоматериаллар һәм презентацияләр карады. Һәлак булган геройларны бер минут тын торып искә алдылар.
Батырлык дәресендә “Җиңү тарихы” Бөтенрусия акциясендә катнашкан Пионерлар йорты, 2нче, 4нче мәктәпләр, гимназия һәм М. Буранголов исемендәге башкорт лицее укучыларына рәхмәт хатлары тапшырылды.
Без - Бөек Җиңү яулаган буын варислары. Бу дәрестә фронт хатларын укыганнан соң халык батырлыгы, ата-бабаларыбызның – совет солдатларының каһарманлыгы мәңге хәтердә калыр.
Зилә ҖӘЛИЛОВА,
Пионерлар йорты педагогы.
Читайте нас: