“Игътибар-балалар!”

Балалар һәм үсмерләр катнашлыгындагы юл-транспорт вакыйгаларын искәртү максатында Әлшәй районы буенча ЮХХДИ хезмәткәрләре 16 декабрьдән 14 гыйнварга кадәр “Игътибар-балалар!” дип аталган искәртү чарасы үткәрә.

2019 елда район юлларында балигъ булмаган пассажирлар катнашлыгында өч юл-транспорт вакыйгасы теркәлде. Балаларны автомобильдә йөрткәндә хәвефсезлек каешларын һәм махсус җайланмалар кулланмаган 198 шоферга җәза бирелде.

-Тиздән каникуллар башлана, димәк бу, балалар күп вакытларын урамда үткәрә, еш кына юл янында уйный, дигән сүз. Шуңа янә юл хәрәкәте кагыйдәләрен үтәү турында искәртәсе килә. Балаларны автомобильдә йөрткәндә мотлак хәвефсезлек каешларын һәм махсус җайланмалар кулланыгыз, алар авария эземтәләрен берничә тапкыр киметү мөмкинлек бирә һәм баланың гомерен саклап калырга ярдәм итә. Урам аша чыкканда үзегез үрнәк күрсәтегез, автомобильнең тормозга басканнан соң туктау юды кышын өч тапкырга артуы турында да онытмагыз, - ди ЮХХДИ бүлеге инспекторы Светлана Крехова.

Фото: https://yandex.ru

Фото: https://yandex.ru/images