Суда фаҗигаләргә юл куймыйк

Эссе көннәр башлану белән елга-күлләрдә суга батучылар саны кискен артты. Су буенда ял иткәндә үзеңне һәм якыннарыңны саклау өчен нәрсә эшләргә кирәклеге турында Гадәттән тыш хәлләр буенча БР дәүләт комитеты рәисе Фәрит ГОМӘРОВ аңлата:

- Оператив мәгълүматлар буенча, ел башыннан республиканың су объектларында 73 бәхетсезлек очрагы булды. Статистика су керүчеләрнең ешрак көннең икенче яртысында: 14-21 сәгатьләрдә батуын күрсәтә.

Су яткылыкларында түбәндәге төп хәвефсезлек таләпләрен күзәтү мөһим:

- таныш булмаган һәм тыелган урыннарда су коенудан тыелыгыз, анда көчле су асты агымнары, әйләнчекләр, корыган агач ботаклары, тирән урыннар, салкын чишмәләр булырга мөмкин;

- су коену өчен махсус җиһазландырылган пляжларны гына сайлагыз;

-исерек килеш яки ялгызыгыз су кермәгез;

- ярдан ерак китмәгез яки елганы яисә күлне аша йөзеп чыгарга тырышмагыз;

- балаларны ялгызларын сулыклар янына җибәрмәгез, шулай ук елга буенда ял иткәндә аларны караучысыз калдырмагыз.

Суда хәвефсезлек кагыйдәләрен күзәтмәү зур фаҗигагә китерә. Шуның өчен үзегезне һәм якыннарыгызны саклагыз!

Фото: fonstola.ru