Яңа проектлар өчен - ноутбук

Яңа ел алдыннан Әхмәтзәки Вәлиди исемендәге Милли китапханәдә Башкортстанның Мәгариф министрлыгы оештырган “Иң яхшы мәктәп китапханәсе – 2018” республика конкурсы җиңүчеләрен бүләкләделәр.

Бәйгедә 64 мәктәп китапханәсе катнашты. Эшләр “Мәктәп китапханәсе – мәгълүмат-китапханә үзәге”, “Мәктәп китапханәсе – социаль-мәгълүмат үзәк” һәм “Мәктәп китапханәсе - мәгариф оешмасының белем бирү үзәге” номинацияләре буенча тапшырылды. Районыбыз намусын Раевка авылының 4нче мәктәбе китапханәсе (мөдире Любовь Ивановна Таняева) яклады, ул “Инновацион китапханә проектларын куллануга кертү” номинациясендә җиңү яулады һәм ноутбук белән бүләкләнде.