Үзйөрешле машиналар һәм аларга тагылмалар тикшерелә

-Шушы көннәрдә Дәүләт техник күзәтүенең район инспекциясе теркәлмәгән һәм үткән елларда техник күзәтү үтмәгән үзйөрешле машиналар һәм аларга тагылмаларны ачыклау буенча чаралар уздыра, - ди баш дәүләт инженер – инспекторы вазыйфасын башкаручы Радик Вәлиев. – Техниканы тикшерү барышында кешеләрнең тормышына һәм сәламәтлегенә хәвеф янаган, тирә-як мохиткә зыян китергән, юл хәрәкәте хәвефсезлегенә йогынты ясаган очракларны ачыклауга аерым игътибар бүленә.

Үзйөрешле машиналарны теркәү, техник күзәтү, гражданнар җаваплылыгын мотлак страховкалау һәм идарә итүгә рөхсәт кагыйдәләрен бозган автомобиль хуҗаларына административ җаваплылык каралган.