Соравың бармы?

Агымдагы елның 9 сентябрендә Башкортстанда алтынчы чакырылыш Дәүләт Җыелышы – Корылтайга депутатлар сайлау үтә.

Сайлау көне якынлашкан саен аңа әзерлек һәм аны үткәрүгә кагылышлы сораулар да күбәя. Шуларны исәпкә алып, Башкортстан Үзәк сайлау комиссиясе рәисе Хәйдәр Вәлиев 31 августта 10нан 11 сәгатькә кадәр телефон аша “туры элемтә” үткәрә. Сораулар Үзәк сайлау комиссиясенең күп каналлы 8 800 347 54 54 номерлы “кайнар линия”сенә кабул ителә. Шулай ук сорауларны алдан [email protected] адресы буенча электрон почтага да җибәрергә мөмкин. Бу очракта “туры элемтә”гә дигән билге куярга кирәк.

Сорауларга бирелгән җаваплар белән республиканың дәүләт матбугат басмаларында һәм БР Үзәк сайлау комиссиясенең сайтында танышырга мөмкин булачак.

“Өмет” гәзитеннән.