Мәндән мәктәбе укучылары "Сыерчык оясы" Бөтенрусия экология акциясендә катнашты

Шушы көннәрдә мәктәптә Халыкара кошлар көненә багышланган "Сыерчык оясы" экология акциясе үтте. Аның максаты - табигатькә һәм туган якка карата сакчыл караш тәрбияләү, экологик проблемаларга игътибарны җәлеп итү.

Бурычлар: укучыларда язгы чорда кошларга ярдәм итү теләген тәрбияләү; кошларның туклану ысуллары турында белемнәрен үстерү һ.б.

Акциядә төрле яшьтәге балалар катнашты. Ата-аналар һәм балалар үз куллары белән сыерчык оялары ясады, аларны бергәләп авыл территориясендә элделәр. Афәрин!