Барлык хәвефсезлек чараларын күзәтеп

- Табибны өйгә чакыртырга мөмкин һәм кирәк тә. Әмма тикшерү узу өчен дәваханәгә килергә кирәк. Кискен респираторлы вируслы инфекция һәм респиратор инфекция билгеләре булган пациентлар өчен аерым керү урыны каралган. 3нче кабинетта терапевтлар һәм фельдшерлар кабул итә. Нәкъ монда пациентка комплекслы тикшерү үткәрелә, ул флюорография тикшерүенә җибәрелә, коронавирус инфекциясенә биоматериал алына.

- Пациентка дәвалау курсы билгеләнә. Әгәр амбулатор дәвалануда булса, аңа өенә даруларны бушлай ирекмәннәр алып килә. Авыру катлаулы узса, пациентны Стәрлетамак шәһәренә дәваханәгә озаталар.

- Үзәк район дәваханәсенә вакцинаның беренче партиясе килү белән, хәвеф төркемендә булган барлык медицина хезмәткәрләренә COVID-19 коронавирус инфекциясенә каршы прививка ясалды. Бу - Гамалея исемендәге Үзәк тарафыннан эшләнгән «Спутник V» препараты. Респиратор авырулары булганнарны кабул итү зонасында эшләүчеләр өчен фильтр-кабинет булдырылган, табиблар аның аша авырулар янына уза. Алар махсус костюм кия, шәхси саклану чаралары куллана, бүлмәдән чыкканда бу әйберләр утильләштерәлә.

- Барыннан да элек, пациентлар санын чикләү оештырылды. Ишектән кергән урында фильтр урнаштырылган, анда медицина хезмәткәрләре чиратлап дежур тора. Алар тән температурасын үлчәп, мәгълүматларны журналга яза.

Флюорография кабинеты хәзер график буенча эшли, анда дистанцияне күзәтү өчен барлык чаралар күрелгән. Вируслы инфекция билгеләре булган авырулар билгеле бер вакытта тикшерү уза, аннары санитар эшкәртү үткәрелә. Гомумән поликлиникада бүлмәләргә, коридорларга һәр ике сәгать саен дезинфекция эшләнә.

Айөл МӨХӘММӘТДИНОВА әңгәмәләште.