Сайлаулар үтте

13 сентябрьдә бишенче чакырылыш Башкортстан Республикасы Әлшәй районы муниципаль район Советы депутатларын сайлау үтте.

Территориаль сайлау комиссиясе хәбәр итүенчә, тавыш бирүдә исемлеккә кертелгән сайлаучыларның 24577се (76,99 процент) катнашты. Урындагы үзидарәнең вәкаләтле органына 19 депутат сайланды.

Бу көндә шулай ук 5нче бер мандатлы сайлау округы буенча Әбдрәшит авыл Советы авыл биләмәсе Советына, 4нче һәм 9нчы бер мандатлы сайлау округлары буенча Кыпчак-Аскар авыл Советы авыл биләмәсе Советына өстәмә рәвештә депутатлар сайланды.

Фото район территориаль сайлау комиссиясеннән алынды.