Әлшәй хәбәрләре
-22 °С
Болытлы
75 лет Победы
Барлык яңалыклар
Шигъри дулкыннарда
5 октябрь 2018, 02:00

Китәр кошлар чылбыр-чылбыр

Шыбыр-шыбыр яңгыр ява, Көз елыймы, әллә минме.

Шыбыр-шыбыр яңгыр ява,

Көз елыймы, әллә минме.

Кемдер тәрәзә чирткән кебек,

Җилләр микән, әллә синме?

Бакчамдагы чәчәкләрем

Башын игән моңсуланып.

Үтмәсен дә иде җәйләр

Йөрәгемне сулкылдатып.

Тып-тып итеп тама тамчы,

Тәрәзәдә эзләр кала.

Мөлдерәп тә тулган күңел

Еламыйча түзеп кара.

Моңсу көзләр килде тагы,

Китәр кошлар чылбыр-чылбыр.

Өзелгән һәр яфрак моңын

Еракларга илтәр җилләр,

Ә йөрәктә калыр эзләр...


Люция Филипова.
Фото: Яндекс.
Читайте нас в