Сүз әйтмә, моңнарым түгелер

Сызылып таң ата, йолдызлары бата Күкләрнең зәп-зәңгәр күленә.

Сызылып таң ата, йолдызлары бата

Күкләрнең зәп-зәңгәр күленә.

Сызланып-моңланып, серләргә чорналып

Төн оча сихри төш иленә.

Көянтәсен тотып айдагы Зөһрә кыз

Моңаеп югала таңнарда.

Йөрәкне кузгатып, хисләрне тузгытып

Сандугачкай сайрый талларда.

Бар дөнья уяна, битләрен юалар

Чыкларга коенган чәчәкләр.

Куышып-узышып шат кошлар очалар,

Җиремне иркәли саф җилләр.

Шул тыныч иртәләр кылларын чиртәләр

Мөлдерәп тә тулган күңелнең.

Җыр туа, моң туа йөрәктә тибрәлеп,

Сүз әйтмә, моңнарны түгәрсең...

Люция Филипова.

Фото: Яндекс.

Читайте нас:

Телефон

8-34754 (2-34-45)

Электрон почта

[email protected]

Адресы

452122, Альшеевский район, с. Раевский, ул. Кирова, 3

Реклама хезмәте

8-34754( 2-34-46)

Редакция

8-34754 (2-34-49

Кадрлар бүлеге

8-34754 (2-34-47)