Җир бит үзе сафлык иле

Нинди хозур бүген дөнья,Сокланып туялмаслык.

Нинди хозур бүген дөнья,

Сокланып туялмаслык.

Төпсез күктә кояш көлә,

Ә җирдә гаҗәп тынлык.

Агачларны бәс сырыган,

Куаклыклар – боз шәме.

Әйтерсең барлык галәмнең

Түгелгән инде яме.

Каеннарга тәлгәш-тәлгәш

Энҗе-мәрҗән эленгән.

Гүя алар бәйрәмгә дип

Назланышып бизәнгән.

Ап-ак дөнья тынып калган,

Бар табигать сер генә.

Тып-тын гына атлап киләм

Нурлы юлдан мин генә.

Көмеш моңнар коела күктән,

Колагымда чыңлый җыр.

Шушындый илаһи мәлләр

Һич тә кабатланмыйдыр.

Фото:pixabay соm.

Читайте нас:

Телефон

8-34754 (2-34-45)

Электрон почта

[email protected]

Адресы

452122, Альшеевский район, с. Раевский, ул. Кирова, 3

Реклама хезмәте

8-34754( 2-34-46)

Редакция

8-34754 (2-34-49

Кадрлар бүлеге

8-34754 (2-34-47)