Пенсияләр күпкә артырмы?

Владимир Путин яңа елдан пенсияләрнең индексацияләнүе турында белдерде.

Президент раславынча, 2021 елда Русия пенсионерларына түләүләр 6,3 процентка индексацияләнәчәк. Президент бу хакта Кремльдә сенаторлар белән очрашуда белдерде.

“Бу 2021 елда фаразланган инфляциядән 1,5 тапкыр артыграк”, - дип хәбәр итә Владимир Путинның сүзләрен “Российская газета”.

Элегрәк Хезмәт, мәшгульлек һәм социаль яклау министрлыгында хәбәр ителгәнчә, киләсе елда эшләмәүче пенсионерларның уртача айлык пенсиясе 17 443 сум тәшкил итәчәк.