Гомер үткән, көзләр җиткән саен Моңсуланып китә күңелләр

Бар дөньяны сары төскә күмеп, табигатькә алтын көз килде. Әле күптән түгел генә ямь-яшел булып утырган агачлар сары яфракларын талгын гына җиргә коя. Кызганычка каршы, кеше гомере дә шатлыклы мәлләрдән генә түгел, моңсу мизгелләрдән дә тора.

Районның 80 гаиләсендә 49 ир-ат һәм 31 хатын-кыз вафат булган. Ә 32сендә 16 малай һәм 16 кыз бала дөньяга килгән. Иң зур сабыйның авырлыгы – 4280 грамм, иң кечкенәсе - 1650 грамм. Узган ел сентябрь аенда 13 малай һәм 17 кыз туган. Быел гыйнвар башыннан ай ахырына кадәр районда 264 туу турында акт теркәлгән (үлем турында – 497, 2019 елга караганда 73кә күбрәк). Әлеге чорда 140 гаилә никахларын теркәгән, 123е аерылышкан. 2019 елда – 157 (115).

Яңа туган сабыйлар арасында элеккечә Ислам, Тимур, Әминә, Дарина, Сафина исемнәре популяр. Йосыф, Стефания, Роландо, Дин, Герман, Сәид иң сирәк һәм гадәти булмаган исемнәр булып кала.

Ирина ВЛАДИМИРОВА.