Аяк киеме исләнгәндә нишләргә?

Соданы аяк киеме эченә сибегез яки оекбашка салып куегыз. Соңыннан соданы әйбәтләп коеп төшерегез. Ә аяк киемен киптерәсе була. Сезонлы аяк киеме икәү булырга тиеш. Берсен кигәндә, икенчесе кибә тора. Аяк киеменнән резина яки җилем исе килсә, аны бер-ике тәүлек ачык һавада җилләтеп торыгыз. Ис килгән кроссовкиларны салкында да тоталар.

Аяктан килгән ис тә сәбәп булырга мөмкин. Носкиларны көн дә алыштырып торыгыз, аның табигый җепләрдән булганын, сыйфатлысын гына киегез. Синтетиканың күләме аз булсын. Атнага бер тапкыр аякларыгызны сабынлы-содалы ваннада тотыгыз. Моның өчен 2,5 литр җылы суга 20 гр сода һәм 2 аш кашыгы кер сабыны салыгыз. Сабынны угычтан уыгыз. Унбиш минут тоткач, аяк табанын пемза белән чистартыгыз. Процедурадан соң крем сылап куегыз.

“Шәһри Казан" гәзитеннән.