Иң файдалы һәм иң арзан...

Кибетләрдә тулып яткан бу балыкның ни дәрәҗәдә файдалы булуын күпләр белми дә.

"О самом главном" телетапшыруын алып баручы билгеле табиб Мясников раславынча, иң тәмле, файдалы һәм шул ук вакытта арзан да булган ризыкларның берсе — селедка. Ул селедкада "бик күп күләмдә омега-3" барлыгын һәм селедканың, башка балык төрләре белән чагыштырганда, май кислоталары күләме буенча лидер булып торуын, ә аларның кеше өчен бик мөһим икәнлеген белдерә.
Шул ук вакытта Мясников әлеге ризыкның минус ягы — тозның артык микъдарда булуы турында кисәтә.
Табиб селедканы витаминнар һәм микроэлементлар саклана торган кабыклы бәрәңге белән ашарга киңәш итә.

Автор: Зөлфия Фәтхетдинова