Чагу, үзенчәлекле һәм халыкчан

Безнең “Чаровницы” ансамбле үзешчән художестволы иҗат коллективларының “Дуслык гөлләмәсе” республика фестивале гала-концертында чыгыш ясады.

Төрле халыкларның чагу милли үзенчәлекләрен һәм көнкүрешен чагылдырган хор, вокаль, фольклор һәм бию коллективларының, оркестрлар һәм инструменталь ансамбльләрнең, цирк хезмәткәрләренең һәм чәчәннәрнең бу иҗади марафоны быел гыйнварда башланган иде. Шушы вакыт эчендә анда меңнән артык “халык” һәм “үрнәкле” үзешчән сәнгать коллективлары катнашты. Гала-концертка иң яхшы төркемнәр, шул исәптән Казанка авыл мәдәният йортының Тамара Федорова җитәкчелегендәге “Чаровницы” украин халык фольклор ансамбле дә чакырылды.

Фәнүзә СУФИЯНОВА.