“Дим энҗеләре” – Бишбүләк сәхнәсендә

Бишбүләк сәхнәсендә иң көчле коллективлар төрле фольклор жанрларын: әйтеш, җыр, бию, музыка кораллары, халык гореф-гадәтләре, милли уеннар тәкъдим итте. Чебенле мәдәният йортының “Дим энҗеләре” башкорт фольклор коллективы (җитәкчесе Элиза Нәгыймова) халык җырлары, такмаклар, уеннар, мамык шәл бәйләүне күрсәтеп, II дәрәҗә лауреат дипломына лаек булды.

Фестивальдә катнашучылар шунда ук оештырылган халык иҗаты күргәзмәсен карады һәм осталарыбыз – Бәләкәй Акколайдан Зәкирә Воронцова һәм Кыпчак-Аскардан Минзилә Муллаголованың башкорт паласлары белән сокланды.

Фәнүзә Суфиянова.