Курайчы кыз Нәркәс

Уфада курайчы кызларның I ачык республика конкурсы узды, ул Бөтендөнья фольклориадасына һәм Бөек Ватан сугышында Җиңүнең 75 еллыгына багышланды.

Гүзәл зат вәкилләренең “Курайчы кыз” дип аталган музыкаль бәйгесенә республика шәһәрләреннән һәм районнарыннан 47 иң яхшы курайчы җыелды. Лаеклы көндәшләре арасында Әлшәй курайчылары - Раевка балалар сәнгать мәктәбеннән Анна Грачева һәм Пионерлар йортының Чурай мәктәбендәге “Курай” берләшмәсе укучысы Нәркәс Ларынбаева (укытучысы Н. Р. Садыйков) да уңышлы чыгыш ясады. Анна II дәрәҗә премиягә лаек булды, ә Нәркәс 16 яшькә кадәрге катнашучылар арасында өченче дәрәҗә лауреат булды. Кызларга концертмейстер Рим Сафин ярдәм итте.