Әнвәр Нургалиевның чынга ашмаган хыялы нинди?

Аның да шундый хыялы булыр икән.

Башкортстанның атказанган артисты Әнвәр Нургалиев "Татар тудей"ның сорауларына җавап биргән.
– Әнвәр, чынга ашмаган хыялың нинди?

– Йортымны төзеп бетерәсе бар. Барлык хыялларым чынга ашып бара, Аллага шөкер.

– «Татнефть-Арена»да яки башка шундый зур залларда концерт кую теләге юкмы?

– Юк, андый теләгем юк. Алар бит концерт залы түгел. Ул заллар башкачарак формат өчен каралган, ул безгә бармый.

– Программаларыгызга үзгәреш кертергә уйламыйсызмы?

– Мин үзем дә яңалык телим. Шуның белән шөгыльләнәбез, режиссерлар да бу хакта уйлый, форматны яңачарак эшлисе килә. Классика белән эстраданы бутарга ярамый. Классика ул, мәсәлән, Филүс Каһировның җырлавы.

– Үзеңнең татар эстрадасында яраткан җырчыларың бармы?

– Әйе. Кем профессиональ дәрәҗәдә җырлый — алар барысы да ошый миңа. Мәсәлән, яшьләрдән Раяз Фасыйхов, Филүс Каһиров. Өлкән буынга килсәк, Хәйдәр Бигичевның җырлавына сокланам.

– Ә Салават Фәтхетдинов? Сезнең аның белән биографияләрдә дә уртаклык бар. Икегез дә көтүче малае, икегезнең дә иҗатыгызны хатын-кызлар үз итә.

– Мин аны студент вакытлардан ук тыңлап үстем. Аны заманча татар эстрадасының әтисе дияргә була. Автор: Резеда Галикәева

Фото6 https://vk.com/anvarnurgaliev?z=photo-33777120_457248759%2Fwall-33777120_44353