Түләнмәгән штраф өчен штраф

11 сентябрьдән районда чираттагы “Бурычлы” операциясе башланды.

- Административ хокук бозулар өчен элек салынган штрафларны түләттерү буенча искәртү чарасы 19 сентябрьгә кадәр дәвам итәчәк, - дип хәбәр итте Русия Эчке эшләр министрлыгы Әлшәй районы буенча бүлегенең административ законнарны үтәү төркеме өлкән инспекторы Альбина Кутьянова. – Бурычыгыз булу-булмавы турында полициянең участок уполномоченныеннан яки Эчке эшләр министрлыгы бүлегендә, ЮХХДИ бүлекчәсендә белә аласыз.

Ә штрафларын вакытында түләмәгән (аны салу турындагы карар үз көченә кергәннән соң 60 көннән дә соңламый) бурычлыга икеләтә күләмдә штраф яки 15 тәүлеккә кадәр арестка алу, мәҗбүри эшләр яный.

Үз хәбәрчебез.