Авыл хатын-кызлары өчен кыскартылган эш көне

Русия Президенты Владимир Путин авылда эшләгән хатын-кызлар өчен кыскартылган эш көне турында законга кул куйды.

Законга ярашлы, авылда яшәүче һәм эшләүче хатын-кызлар өчен эш көненең озынлыгы атнасына 36 сәгатьтән дә артмаска тиеш. Шул ук вакытта хезмәт хакы тулы күләмендә саклана. Әгәр хезмәт шартлары буенча авыл хатын-кызының эш көне ике өлешкә бүленгән булса, өстәмә түләүгә дәгъва итә ала.

Авыл хатын-кызларының кыскартылган эш көненә хокукы Дәүләт Думасы закон кабул иткәнгә кадәр федераль закон тарафыннан расланмаган иде, дип хәбәр итә “Башинформ”.

Фото: Яндекс